Musayar wuta tsakanin bangarori 2 na APC

0

Get real time updates directly on you device, subscribe now.

‘Yan kasuwa, masu shaguna da masu wucewa sunyi gudun rayukan su a titin Onyeamekun da ke garin Akure a jahar Ogun a jiya Alhamis a yayin da rikici ya barke tsakanin bangarori biyu na jam’iyyar APC na jahar, al’amarin har ya kai ga musayar wuta tsakaninsu a harabar sakateriyar jam’iyyar. Rikicin ya auku ne tsakanin magoya bayan shugaban jam’iyyar reshen jahar Ogun Isaac Kekemeke da sauran ‘yan jam’iyyar, kamar yadda jaridar The Nation ta rahoto. A ranar Talatar da ta gabata ne wasu daga cikin ‘yan jam’iyyar suka rufe sakateriyar bayan da suka sanar da cewa sun sauke shugaban jam’iyyar. A ranar Laraba, Sun kara bude sakateriyar sannan suka kori dukkanin ma’aikatan sakateriyar. Sai dai al’amura sun yi tsami a jiya Alhamis a yayin da magoya bayan shugaban suka ziyarci sakateriyar da nufin tada tarzoma. Sai da mataimakin kwamishinan ‘yan sandan jahar Edward Ajogun ya ziyarci harabar sakateriyar tukunna rikicin ya lafa.

Get real time updates directly on you device, subscribe now.